Հոկտեմբեր 2000ին ստեղծուած ԱՆԻ եւ ՆՈՐ ԱԼԻՔ պարախումբերը այսօր 50է աւելի պարողներէ կը բաղկանան:
Այս պարախումբերուն նպատակն է հայկական ազգային պարերը ծանօթացնել հայ եւ օտար հանրութեան, այսպիսով նաեւ իրենց մասնակցութիւնը բերելով հայ արուեստի եւ մշակոյթի զարգացման:
Այսօր 15էն 30 տարեկան 30 պարողներ մաս կը կազմեն ԱՆԻ պարախումբին:
Տոգորուած պարի Վարպետ Վանուշ Խանամիրեանի դասաւանդութիւններով եւ իրենց պարուսոյց Արթօ Պէքճեանի խիստ եւ բարձր պահանչքներով, անոնք ժրաջան եւ նպատակասլաց կերպով, յարատեւ կ՛աշխատին՝ նպատակ ունենալով ապագայ սերունդներուն փոխանցել իրենց ստացած ժառանգութիւնը:
Կը ձգտին հասնիլ բաձառիկին, գեղեցիկին կատարելիութեան:
Փորձերը - Երեքշաբթի, Չորեքշաբթի եւ Ուրբաթ
ժամը 21:00 էն 22:30
6 cité Wauxhall - 75010 Paris
Տեղեկութիւն եւ արձանագրութիւն
06 19 26 09 69
Պարուսոյց եւ գեղարուեստական ղեկավար Արթօ Պէքճեան
Փորձերը տեղի կ՛ունենան ամէն շաբաթ օր
ժամը 17:30էն 19:00
6 cité Wauxhall - 75010 Paris
Տեղեկութիւններ եւ արձանագրութիւն
06 50 90 95 30
ՆՈՐ ԱԼԻՔը հիմքն է, երիտասարդ պարողներու նոր սերունդը, որոնք ժառանգութիւն պիտի ստանան այս մշակոյթը եւ պիտի կերտեն մեր ապագան:
8էն 15 տարեկան պատանիներ միասին կ՛աշխատին ամէն շաբաթ ինչպէս նաեւ հերթական խտացուած դասընթացներու ընթացքին:
Պարողի իրենց կազմաւորումին մաս կը կազմեն հայկական ազգային ինչպէս նաեւ դասական պարի քայլերը, պարերու բացատրութիւնը եւ մեկնաբանումը, ազգային տարազներու ու սովորութիւններու, հեքեաթներու ու աւանդութիւններու մասին գիտելիքներ ստանալը:
